-- Advertisements --
TACLOBAN CITY – Nag-aandam na an Department of Public Works and Highways (DPWH) Regional Office 8 para hiton restorasyon ha pira nga mga tulay ngan kakalsadahan nga naapektaran han Bagyong Agaton ha Leyte.
Sumala kan Engr. Toribio Udtohan, Engr III Section Chief Inspectorate han DPWH 8, nagdudumara na hira hin preparasyon han phase 1 nga restoration san o pa man mahuman an clearing operation.
Basar ha ira inisyal nga datos, naabot na ha P1.024 Bilyon an estimated damages han mga naapektaran nga imprastruktura.
Dugang pa hini nga an pinakadako nga nadistroso in didto ha Baybay City kun diin umabot ha P834 M an inisyla nga danyos han mga naapektaran nga tulay nga kalsada.
