-- Advertisements --
NATIONAL – Nagpatapud hi Department of Tourism Sec. Christina Frasco hin mas inklusibo ngan sustainable tourism industry para ha mga turista.
Ha usa nga mensahe, ginsigurado han sekretarya an paghimo hin industriya nga mag a-alutaga hin mas damo nga trabaho ngan mas maupay nga travel experience ma domestic man o foreign tourists.
Magpapabilin an commitment han DOT nga pagupayon an sector han turismo agud makasabay ha bag-o nga panaho,ngan makag-amot ha kabug-usan nga ekonomiya han nasud.
Samtang ginaghat naman han sekretarya an publiko nga igpabilin an bayanihan spirit nga usa nga tradisyon han mga Pilipino.
Ginaghat gihapon hini an publiko nga higugmaon ngan igparayaw an nasud ngan pagpapakilala ha kahusay han Pilipinas.
