Igin mando han Philippine National Police (PNP) an mahugot nga mga pitad ha pagtitipid ha mga istasyon han kapulisan ha bug-os nga nasud ha butnga han nagtitikahitaas nga presyo han lana.
Sumala kan PNP Chief General Jose Melencio Nartatez Jr., mas maupay nga gingagamit han PNP an resources basar ha nagpapadayon nga polisiya ngan an regular nga monitoring han ira fuel ngan power consumption.
Kaparte han gindudumara nga pitad han PNP ha pagtitipid in an pagre-review ha mga dire importante nga lakat ha mga sarakyan han pulisya agud makatipid ha gasolina.
Sumala pa kan Nartatez, magdudumara gihapon an PNP hin internal audit ha mga gastuson ha kampo agud matudlok an mga lugar nga pwede ibanan hin dire naaapektaran an operasyon.
Dugang pa hini, igo-optimized gihapon an logistics ngan supply chains para ha pagkaon, gasolina, ngan mga utility ha bug-os nga nasud.
Gin sigurado gihapon han opisyal ha publiko nga dire maaapektaran an serbisyo han mga kapulisan ha ira gindudumara nga mga pitad ha pagtitipid.
