NATIONAL NEWS– Gin-uran hin batikos an sayop nga lokasyon nga ginbutang ha poster han Department of Tourism (DOT) an kilala nga Banaue Rice Terraces nga gin display ha Ninoy Aquino International Airport (NAIA) Terminal 4.
Ine in mahuman nga mag-viral online an ginpaangbit nga litrato han Archaeologist ngan professor ni Stephen Acabado ha iya social media account kun diin makikit-an ha nasabi nga poster nga nagpo-promote ha rice terraces pero an nakabutang nga lokasyon in Benguet imbes nga Banaue, Ifugao.
An nasabi nga poster in materyal han DOT para ha “Love the Philippines campaign” .
Ha pagkayana, waray pa ginpagawas nga pahayag an DOT kasumpay ha pagsayop han ira poster.
Mababaruan, an Banaue Rice Terraces o Hagdan-hagdang Palayan han Banawe 2000 ka tuig na ine nga hagdanann nga tanuman ngan ginhurma han mga ninuno nga katutubo ha kabukiran han Ifugao.
