Ginkakabaraka han pira nga sektor an panukala nga pondo han Department of Agriculture ha tuig 2027 nga maabot ha P198.45 bilyon.
Mas hamubo ini hin 8% o kaparehas hin P17.25 bilyon, kumpara ha P215.69 bilyon nga ginapurabaran para ha ahensya dida han 2026.
Sumala kan anay Agriculture Sec. Leonardo Montemayor, dako nga ayat ini ha national food security labi na ha butnga han ginlalauman nga grabi nga epekto han El Nino ngan an padayon nga tensyon ha Middle East nga nagpapahitaas ha gastuson ha produksyon.
Agud malikayan an krisis, ginsuhestyon hini nga unahon pakusgon an lokal nga produksyon imbes nga dumepende ha importasyon.
Manunumduman nga ginsukna an ahensya kasunod han mga isyu han importasyon ha mga agrikultural nga produkto sugadman an padayon nga problema ha smuggling ngan misdeclaration han mga utanon ha nasud.
