NATIONAL NEWS– Nagpahinumdom an Department of Labor and Employment (DOLE) ha mga employer ha sakto nga pagpapasweldo han mga ine ha midterm elections ha Lunes, Mayo 12 nga gindeklara kumo special non-working holiday.
Subay ha ahensya, an mga empleyado nga masulod ha Lunes in kwalipikado nga makaka-karawat hin full pay ngan kadugangan nga 30% han basic wage.
Ine in alinsunod ha Presidential Proclamation No. 878 nga ginpirmahan ni Pangulong Ferdinand Marcos Jr.
An mga empleyado naman nga dire masulod ha trabaho ha Mayo 12 in “no work, no pay” principle labot la kun mayda company policy, practice, o collective bargaining agreement.
Para naman ha mga empleyado nga nagtrabaho hin lahos ha walo ka-oras o nag-overtime ha piniliay, makaka-karawat ine hin kadugangan nga 30% hin inoras nga sweldo.
An mga nagtrabaho ngan natuman nga rest day in kwalipikado nga makaka-karawat hin kadugangan nga 50% han ira basic wage para ha syahan nga walo ka-oras.
