NATIONAL – Nag alutaga an Department of Labor and Employment hin 45 milyon kumo emergency employment assistance ha mga empleyado nga nawarayan hin trabaho mahitungod ha oil spill durot han paglunod han tanker nga MT Terranova ha Bataan.
Ha usa nga pahayag, ginmalatumat ni Labor Secretary Bienvenido Laguesma nga dire maubos ha 1,357 nga empleyado an makakatagamtam hine.
Dugang pa hine, natagan na hin emergency employment an mga indibidwal nga apektado han oil spill ha probinsya han Bataan.
Magta-trabaho an mga empleyado-benepisyaryo ha sulod hin 10 ngada ha 20 kaadlaw ha ilarom han programa nga nakatalaan nga bumulig ha pamiling ngan pangolekta han mga bunot han lubi para magin oil spill booms.
Ginmalatumat ni Laguesma nga mabulig gihapon hira ha clean-up operations ha maraot nga epekto han Bagyong Carina.
Kumo kabalyo in babayaran an mga ine han minimum wage rates han rehiyon.
