NATIONAL – Gin kumpirma han Department of Justice nga mayda na hira lead kun diin nga lokasyon ha Taal Lake dapat pagdumaraon an pag-lurop agud mabilnga an mga lawas han mga nawawara nga sabungero.
Sumala mismo kan Justice Secretary Jesus Crispin Remulla, mayda na hira ginkakaptan nga mga impormasyon kasumpay ha plano nga pagdudumara han ‘diving operation’.
Sanglit, ginpaparayaw hine nga an kapot nira nga lead yana in magagamit daw agud matudlok an lokasyon ngan kun patiunan-o nga operasyon an kinahanglan pagbuhaton.
Pero aminado naman an nasabi nga sekretarya nga dire in harumamay mahitungod nga ada ha 234,200,000 sqm an kahiluag han Taal Lake kun diin gin aalegar gin lubong an mga biktima nga sabungero.
Manunumduman nga ginbuyagyag ni alyas Totoy o Julie ‘Dondon’ Patidongan an alegasyon nga nailubong an daw an mga ine ha parte han Taal Lake.
Samtang, gin paangbit naman ni Justice Secretary Remulla nga dire pa matutuman an plano nga pagdudumara han diving operation.
Ine in mahitungod ha kabutang han panahon sanglit nadedelatar an operasyon nga paglurop nga ira ginpa-plano agud mabilngan an mga lawas han mga nawawara nga sabungero.
