TACLOBAN CITY – Nagpapadayon kutob yana nga adlaw, Hunyo 24, an gindudumara nga duha kaadlaw nga Wide Job Fair han Department of Health kumo kaparte han pagselebrar han ika-127 nga anibersaryo han Department of Health Region VIII ha usa nga mall ha Abucay, Tacloban City.
Kaupod nga abilable ha ginhahatag nga trabaho han Department of Health Eastern Visayas an lima nga plantilla positions ngan 16 Contract of Service ha health system resiliency programs.
Mayda gihapon han 111 nga plantilla position ha Eastern Visayas Medical Center, tulo plantilla positions ha Governor Benjamin T. Romualdez General Hospital and Schistosomiasis Center, ngan duha plantilla position, usa nga accountant, ngan duha Contract of Service ha Treatment and Rehabilitation Center (TRC) ha Dulag, Leyte.
Maghuhuman naman yana nga adlaw, Hunyo 24, an nasabi nga job fair.
Sanglit gin aaghat ni Department of Health Eastern Visayas Assistant Regional Director, Dr. Catherine Layton an mga job seekers ha bug-os nga Sinirangan Bisayas nga mag-partisipar ha Job Fair ngan dad-on an mga kinahanglan nga dokumento para han mas madagmit nga proseso. (via Bombo Shiela Encio)
