NATIONAL – Nakikiusa an Department of Health ha panawagan nga maglatag hin mas istrikto nga regulasyon ha mga paninda nga makahurubog nga irimon ha nasud.
Ginbuhat han ahensya an panawagan ha usa nga forum nga gintawag nga
‘Alcohol Tax: Itaas’ ha Quezon City kun diin nanawagan an mga membro hine ha pangunguna han Sin tax Coalition, hin mas hitaas nga buwis ha mga irimnon.
Labot ha buwis, ginhangyo gihapon han grupo an mas istrikto nga mga aludayday ha pamaligya han makahurubog nga irimnon ha nasud.
Basar ha datos tikang ha Global Burden of Disease Health Metrics nga gin presenta han DOH, an pagkonsumo han alkohol in natudlok kumo pangunahon nga risk factor o nagserbi nga kawsa ha sobra 27,000 nga mortalities ha bug-os nga nasud.
Mahitungod hine in ginpanawagan han ahensya an pagbug-os han mga polisiya nga nakasubay ha ebidensya para batunon an sobra nga pagkonsumo han makahurubog nga irimnon ha Pilipinas.
Kaupod na hine an implemenstasyon han public health warning labels sugad han ginbubuhat ha mga pakete han sigarilyo, mas hitaas nga presyo han mga makahurubog nga irimnon, mas hitaas nga excise tax, regulasyon ha distribusyon, ngan komprehensibo nga pagdidire ha pira nga alcohol marketing.
