Ginpapaglatag ni Parañaque 2nd District Representative Brian Yamsuan an Department of Health (DOH) hin klaro nga patakaran ha kantidad han professional fee han mga doktor nga babatunon han gobyerno ha ilarom han Medical Assistance to Indigent and Financially Incapacitated Patients (MAIFIP) program.
Hangyo ini ni Yamsuan ha DOH ha butnga han mga reklamo ha pagu-umento han mga doktor han professional fee kun nahibabaruan nira nga babayaran ini pinaagi han MAIFIP.
Resulta hini in mas humitaas an baraydan ha ospital han mga benepisyaryo han MAIFIP Progamn, sanglit duon ni Yamsuan, kinahanglan magkamay-ada hin mekanismo agud dire mabutang ha alanganin an mga kablas nga pasyente.
Ha budget hearing in ginmalatumat naman ni DOH Secretary Edwin Mercado, nagpapatuman na an DOH hin three-pronged mechanism agud mapugngan an mga doktor ha sugad nga buruhaton.
Ginmalatumat ni Mercado an pagpapalaksi ha reimbursement han mga doktor ha PhilHealth ngan an pagtukod hin Single Source of Truth (SSOT) system o database nga ginkakalakipan han rates han professional fees han mga doktor.
Sumala kan Mercado, nagdudumara na gihapon an DOH hin konsultasyon ha mga medical specialty societies para ha pagtutukod hin rasonable nga progessional fees ngan insentibo han mga doktor.
