NATIONAL – Gin sigurado han Department of Health (DOH) nga kontrolado han ahensya an paghitaas han kaso han mpox ha nasud ha kaluyo han utro nga pagsaka han ihap ine ha pira nga lugar.
Sumala kan Health Secretary Teodoro Herbosa, mas habubo la gihapon an ihap han mga kaso yana nga tuig kumpara ha kaparehas nga panahon dida han 2024.
Dugang pa ni Herbosa, ginpakusog han DOH an kampanya hine ha edukasyon, pagtambal, ngan isolation agud mapugngan an pagsarang han nasabi nga sakit.
Samtang, waray naman tudluka han sekretarya kun diin nga mga lugar nahipatik an mga bag-o nga kaso han Mpox, pero gin malatumat hine nga, an mga ine in ada ha Clade II variant, karuyag sidngon mas mild ngan kusa nga nauupay ngan dire nanginginahanglan hin haluag nga intervention.
Gin kumpirma gihapon han DOH nga dire kaupod an Pilipinas ha mga nasud nga sakop han Public Health Emergency of International Concern nga gindeklara han World Health Organization (WHO), nga naka-sentro la daw ha mga nakakatapon nga Clade Ib variant.
