TACLOBAN CITY – Gin sigurado han Department of Health nga mayda supresyente nga suplay han family planning commodities sa Rehiyon 8 kutob ha tuig-2028, kaupod an mga pill, injectables, implants, ngan iba pa nga kontraseptibo.
Subay ha DOH, nagpapabilin nga pangunahon nga gamit ha family planning an pills, nga mayda haros 130,000 an presente nga nagamit ha rehiyon.
Kahuman hine, kaupod gihapon ha top choices an injectables o depo nga mayda bisa ha sulod han tulo kabulan, nga ginagamit han ada ha 20-30% han mga kababayen-an nga ada ha reproductive age.
Samtang, 10-15 porsyento naman an nagamit han implant nga myda tulo katuig nga bisa.
Basar ha datos han DOH, an serbisyo ha family planning in nakapokus ha kababayin-an nga nage-edad hin 15-49 anyos. Para ha mga menor de edad nga waray pa 19 anyos, kinahanglan an informed consent tikang ha ira mga kag-anak o partnet ugsa mag-avail han serbisyo.
Humitaas naman an ihap han kababayin-an nga nagamit han family planning ha rehiyon, tikang ha 63 porsynte dida han 2023 ngada ha 67% dida han 2024.
Ha datos han Field Health Service Information System (FHSIS), nangunguna an Ormoc City ha mga lokal nga pangobyernuhan nga mayda pinahitaas nga ihap han kababayin-an nga ada ha reproductive age nga nagamit hin family planning, ngan sumunod an Tacloban City.
Ha lebel naman han probinsya, syahan an Eastern Samar, samtang ada ha urhi nga pwesto an Samara Province mahitungod ha pagkakamay-ada hine hin geographically isolated and disadvantage areas (GIDA) ngan mga lugar nga apektado han insurhensiya.
Iginpahayag gihapon han DOH nga nag-aalutaga hira hin P20-P45 milyon kada tuig para ha pagpalit han commodities ngan pag hag-id hin mga service providers ha paghahatag hin counseling, IUD, ngan implant services.
Di pala maiha in nagdumara hin ntegrated capacity building ngan forum ha Ormoc City kun diin gin hag-id an 15 service providers agud maghatag hin counseling ngan implant services.
Labot ha pondo tikang ha Central Office, an Central for Health Development ngan mga lokal nga pangobyernuhan in nakakapag-procure gihapon kumo dugang nga suporta.
Ginpapanginano kada tuig an datos agud malikayan an overstocking ngan masiguro nga sakto an budget ha aktwal nga panginahanglan. (via Bombo Shiela Encio)
