-- Advertisements --
NATIONAL – Ginkikita han Department of Health an mga smallpox vaccine nga magagamit kumo proteksyon kontra ha monkey pox.
Sumala ha ahensiya, nagyakan na hira ha World Health Organization agud maka-access ha mga bakuna kontra smallpox kumo proteksyon ha ginkakabarak-an nga mpox.
Ginmalatumat naman ni DOH Assistant Sec. Albert Doming nga may mga pag-aram na nga nagawas kun diin nakikita nga nakakapaghatag hin cross protection an smallpox vaccine kontra ha monkey pox.
Sugadman, waray naman daw supply ha Pilipinas kontra mpox mahitungod nga an dagko nga bulto hini in ginhahatag ha mga lugar ha Africa kun diin, presente nga nagsasarang an monkey pox.
