TACLOBAN CITY: Ginpahibaro han Department of Health Eastern Visayas, nga nag negatibo an resulta han duha nga mga pasyente nga gintutuohan nga naduktan han mpox dinhi ha rehiyon, ngan an mga ine in taga Tacloban City ngan Northern Samar.
Sumala kan Department of Health Eastern Visayas, Information Officer Jelyn Lopez Malibago, nag negatibo an resulta han taga Tacloban, samtang padayon pa nga ginpapa-oobserbaran an taga Northern Samar.
Dugang pa ni Malibago, nakagawas na an pasyente nga gintutuohan nga naduktan hiton mpox dinhi ha Tacloban.
Ha pagkayana naman mayda hira ginmomonitor nga 2 nga suspected cases nga mpox, nga taga Samar Province, kun diin ginhuhulat pa nira an magigin resulta han mga ine.
Ginmalatumat naman ni Jasmine, nga an ira ginmomonitor nga duha nga suspected in waray history travel, pero nakaka-abat ine hin sintomas sugad hiton rashes, hiranat, lymph nodes, pagsasakit han ulo, masakit nga kalawasan ngan panluluya.
