TACLOBAN CITY– Padayon an pag-aghat hiton Department of Health Eastern Visayas ha publiko, nga magin andam ha tanan nga sitwasyon labi na yana nga sigidas iton bagyo ngan linog ha nasud.
Sumala kan Department of Health Eastern Visayas, Information Officer, Ken Fabula, syahan nga ira ginpapag-andam ha publiko an gintatawag nga Emergency Go Bag, nga may sulod nga pagkaon, tubig, hygiene kits ngan extra masks, first aid kit ngan tambal, flashlight, charger, powerbanks, radio, taklap, jacket, tsinelas ngan kapote.
Dugang pa ni Fabula, mayda gihapon hira ginduduso nga Mental Health and Psychosocial Support (MHPS), ine naman in naghahatag hin proteksyon ngan igduso an sikolohikal nga panginahanglan ngan malikayan an pagtambal ha kondisyon panlawas ngan panhuna-huna.
Ginsigurado pa hine, nga mayda hira nagpaka trained nga mga tinaglawas nga mag-aasister ha nasabi nga serbisyo.
Kalakip gihapon nira nga ginhahatag an Philippine Emergency Medical Assistance Team (PEMAT), ngan naka-standby gihapon an ira gintatawag nga Health Emergency Management Staff han Department of Health (HEMS).
Nananawagan naman ine ha publiko, nga dire mabaraka ngan sugadman magpabilin nga vigilante ha tanan nga higayon.
Ginsisigurado gihapon han ira buhatan nga naka-standby hira agud nga umasister ha mga nanginginhanglan hiton bulig.
