TACLOBAN CITY — Padayon an pagdudumara han Department of Health (DOH 8) hin Mental Health ngan Psychosocial support ha mga survivors han nakalabay nga bagyong agaton ha Abuyog ngan Baybay City.
Sumala kan Jelyn Lopez-Malibago, tagapagyakan han DOH 8, mayda hira mga teams nga gin-aassign ha kada-adlaw sugadman damo nga mga volunteers an karuyag madeploy ha mga affected areas sugad han Abuyog ngan siyudad han Baybay City.
An siyahan ngadaw nga deployment in gindumara dida han nakalabay nga Huwebes santo kun diin kumadto hira Baybay City agud magdumara hin mental health assesment ngan psychosocial support han mga naapektaran han landslides.
An panuyuan naman han mao nga programa in agud mabuligan an mga survivors nga maipasamwak an ira ginpapan-abat labi na an ira naeksperyensyahan dida han nakalabay nga bagyo.
Magkalain-lain naman nga mga aktibidadis an gindudumara han mga volunteers agud maipagawas han mga survivors an trauma nga ira gin-abat.
