TACLOBAN CITY- Ginpahibaro han Department of Health DOH Regional Office 8, ha publiko nga magin mahirot la gihapon bisan ha kaluyo nga ginpailarom na an syudad ha Alert Level 1 status.
Sumala kan Jelyn Lopez Malibago, Information Officer han DOH 8, nga padayon la gihapon nga magsunod ha ginpapatuman nga mga public health standard sugad han pagsusul-ot han face mask, ngan pag-obserba han social distancing, bisan ha kaluyo nga gintutugot na an 100% full capacity ha tanan nga mga establishment ngan mga pangaunan.
Dugang pa han mao nga opisyal nga dire magtagya an matag-usa lugod in batasanon nga magin viglante ha tanan nga panahon.
Nagpahinumdom naman ine nga bangen mahinglimot an publiko nga padayon la gihapon nga nagpapabilen an syudad ha COVID-19 sanglit nga dire hingalimtan an paghirot ha tanan nga higayon ilabi na kun makiki-halubilo ha matatawo nga lugar.
