TACLOBAN CITY- Mahugot nga nanlilimbasog an Department of Health Regional Office ha pagkontra han Human Immunodeficiency Virus (HIV) ha Sinirangang Bisayas.
Una hini, guinbuyagyag ni Boyd Cerro, chief han regional epidemiology and surveillance unit han DOH 8 nga may ada na liwat 25 nga panibag-o nga kaso hin HIV an nahipatik ha Rehiyon.
Dugang pa hini nga an siyudad han Tacloban an may pinaka dako nga ihap han reported persons living with HIV ha rehiyon ngan kaudgan han mga ini in mga kalalakin-an.
Padayon naman nga nagpapahimantngun an mao nga departamento ha publiko nga maging mahirot ngan ig practice an abstinence agud nga makalikay ha mao nga sakit.
An kaparte han pamahayag ni Boyd Cerro, chief han regional epidemiology and surveillance unit han Department of Health Regional Office
Samtang, gin tetestingan naman yana han DOH an Pre-Exposure Prophylaxis o PREP nga napamatud-an nga epektibo nga medisina nga pankontra ha pagtapon hin HIV.
Manunumduman nga damo na an nagkamatay ha rehiyon mahitungod han sakit nga HIV.
