NATIONAL NEWS– Gindipensaran han Department of Finance (DOF) an nagin direktiba hine ha Philippine Health Insurance Corp. (PhilHealth) nga ig-remit an waray kagamit nga subsidiya nga nagkakantidad hin P89.9 billion ha Bureau of Treasury (BTr).
Subay ha ahensiya, mas maupay nga gamiton an mga salin nga pondo han state-run corporations para ha gobyerno kumpara nga mangutang.
Ginpahayag gihapon ni Finance Sec. Ralph Recto nga dire akos han gobyerno nga pasagdan an government-owned and controlled corporations (GOCCs) nga mayda sobra nga salapi o pondo nga dire gingagamit ngan mas maupay nga gamiton ine ha public investment.
Pinaagi gihapon hine, dire na kinahanglan nga magdugang an gobyerno hin kadugangan nga buhis, ngan pahitas-an an pangungutang han nasud.
