NATIONAL NEWS – Nagpahimatngon an Department of Energy (DOE) ha publiko kasumpay ha dire otorisado nga paggamit han mga ngaran han ira opisyal ha pangaro hin kwarta kabalyo han mga programa ngan serbisyo.
Ine in mahuman nga makakawarat an ahensya hin mga reort kasumpay kan John Rick Salcedo nga nagpapadara hin mga mensahe pinaagi hin usa nga mobile number ngan gingagamit an ngaran ni DOE Sec. Raphael Lotilla para makapangaro hin kwara tikang ha energy service companies.
Gin abisuhan han DOE an publiko labi na an mga kaupod ha industriya nga an sugad nga buruhaton in igin didire ni Secretary Lotilla ngan kinahanglan ig report dayun ha DOE.
Gintagan-duon han ahensya nga mahugot hira nga nasunod ha Code of Conduct and Ethical Standards nga nagdidire ha bisan hino ha DOE nga mangaro hin kwarta o mag-aatubang an mga ine ha criminal nga kaso.
