TACLOBAN CITY – Maghahatag hin alternative mode ha mga katawhan nga karuyag na magbulag o dire na malipayon ha kada tagsa an Divorce Bill, sumala kan Atty. Jerry Uy, City Councilor hiton Tacloban City.
Ha presente nga balaud ha Family Code in mayda gintatawag nga Declaration of Nullity ngan Annulment of Marriage.
An Declaration of Nullity in an pagpapawaray-bisa han kasal nga invalid tikang ha katikangan samtang, an Annulment of Marriage naman in pagpapawaray-bisa han voidable nga kasal hasta nga igdeklara ine nga invalid na, kun diin mas maiha ngan mas magastos gihapon an proseso hine.
Ha ginduduso nga Divorce Bill in gin sulod dinhi an mga grounds han pagbubulag han mag-asawa sugad han kadire na pagtatampo hin sobra lima katuig, pagkakamay-ada hin iba nga karelasyon bisan kasal pa, ngan iba pa.
