TACLOBAN CITY – Padayon an pagpamulat han National Food Authority (NFA) Regional 8 ha desisyon han Bureau of Customs (BOC) ngan Tacloban City Government kun san-o ngan diin an pagbubuhaton nga disposal han maabot 900 sako hin bugas nga nadudunot ha ira warehouse.
Sumala kan Henry Tristeza, Regional Manager han NFA 8 nga ha pagkayana in ginpapadagmit na nira an proseso han disposal han mao nga bugas mahitungod nga diri na maiha in maulpot na an suplay han maabot 240 bags hin imported rice tikang ha Vietnam ngan Thailand.
Ini manggud in mahitungod han ginkakabarak-an nira nga bangin maapektaran an iba nga suplay han bugas kun diri pa maihahapil an mao nga nga nadudunot nga bugas.
Ha pagkayana, in waray pa nagpagawas hin desisyon an BOC bahin han mao nga isyu.
