TACLOBAN CITY – Ginpahayag ni Sen. Francis Tolentino nga diri daw maupay pamatiun ha Pamilyang Pilipino an nagin mga pamahayag ni Vice President Sara Duterte ala kontra kan Presidente Ferdinand Marcos Jr. in labi na an mga patutsada hini ngan mga naiimagine.
Yakan ni Tolentino nga an mga pulong in diri nareflect han kultura ngan religious foundation han nasud Pilipinas.
Ginpasabot pa hini nga kun magkakaada hin imbestigasyon an Senado may paghisumpay han mga natabo nga mga gin aalegar nga Extrajudicial Killings (EJK) durante han Administrasyon ni anay Presidente Rodrigo Duterte in possible nga an kumapot in an Blue Ribbon Committee nga ginpapanguluhan naman ni Senator Koko Pimentel.
“Ang pwede lang kasing mag imbestiga sa ngayon habang naka break kami ay yung Blue Ribbon Committee, yun lang ang allowed under the Senate rules so ang Blue Ribbon Committee ang may jurisdiction at nagcreate ng sub-committee ang head si Senator Koko Pimentel.”
Dako naman an pagtapod ni Tolentino kan Pimentel in labi na nga abogado ini ngan sugad man nga magigin patas ngan nakabasar ha mga ebidensya ngan balaud.
“I’m sure Sen. Pimentel would be fair, dati ring PDP si Sen. Pimentel and would be objective in conducting it.” yakan pa ni Tolentino.
Ginpasabot pa han Senador nga ha Enero 2025 in mayda niya programa nga iglulunsar nga gintatawag nga “LITAW” program nga an panuyuan in makaghatag hin panahon ha mga mabibiktima han kalamidad nga makabangon pinaagi han diri la anay pagbabayad o pagsukot han kabaraydan han kuryente.
Hi Tolentino in umatendir han distribusyon han pay out han mga benepisyaryo han Assistance to Individuals in Crisis Situation (AICS) nga programa han Department of Social Welfare and Development (DSWD) nga kun diin, umabot ha 700 an nakakarawat han bulig pinansyal.
