-- Advertisements --
NATIONAL – Gin kumpirma han Department of Foreign Affairs nga kutob yana in waray pa hira nakakarawat nga bisan anu nga formal extradition request tikang ha Estados Unidos para ma-extradite hi Kingdom of Jesus Christ leader Pastor Apollo Quiboloy.
Ine an ginkumpirma ni DFA Secretary Enrique Manalo ha pag atubang hine ha pagdungog han Senado kasumpay ha daw mga pan-aabuso han dabi nga pastor.
Hi Quiboloy in naa-atubang ha patong-patong nga kaso ha Estados Unidos kaupod na an conspiracy to engage in sex trafficking by force, fraud and coercion, sex trafficking of children, ngan bulk cash smuggling.
Syahan nga nag-isyu an US court hin warrant of arrest kontra ha kontrobersyal nga pastor dida han November 2021.
