-- Advertisements --
NATIONAL NEWS– Ginpahamubo na han Department of Foreign Affairs (DFA) an security alert warning para ha mga Filipino nga aadto ha Israel.
Subay ha DFA, matungod hiton mga positibo nga developments in magigin level 2 na an restriction phase tikang ha anay Level 3 nga Voluntary Repatriation.
Una na nga ginkalipay han gobyerno han Pilipinas an kasarabutan han Israel ngan Iran nga magpatuman hin ceasefire.
Subay ha pagbana-bana han DFA mayda 30,000 nga mga Pinoy ha Israel, kun diin kadam-an ha mga ine in mga caregivers samtang an 1,100 naman in aadto ha Iran.
Ginsigurado han DFA nga padayon nira babantayan an kabutang hiton rehiyon ngan ira ig-iisa an alert level kun kikinahanglanon.
