Nakatalaan igpagawas han Commission on Elections (Comelec) an desisyon hini kasumpay ha 2025 Statement of Contributions and Expenditures (SOCE) ni Sen. Rodante Marcoleta ha maabot nga Miyerkules.
Sumala kan Comelec Chairman George Erwin Garcia, nagin mapaso nga debate an istoryahon ha nagin en banc session han komisyon.
Syahan hini, ginmalatmat na gihapon ni Garcia nga naaatubang an komisyon ha mga ‘komplikasyon’ samtang ginreresolba an kaso nga dabi hi Marcoleta.
Ini in mahuman nga magrekomenda an Office of the Ombudsman hin usa nga related complaint ha komisyon nga nakwestyon ha SOCE magin ha Statement of Assests, Liabilities and Net Worth (SALN) han senador.
Samtang, basar naman ha SOCE ni Marcoleta, gumastos an senador hin P139.9 milyon nga kantidad para ha iya senatorial campaign dida han nakalabay nga tuig nga pero nag-sobra ha sulod han iya declared SALN nga mayda P51.9M.
Labot pa hini, ginmalatumat gihapon han senador nga waray hiya makakarawat hin anuman nga klase hin donasyon ha iya kampanya.
Gin sigurado han COMELEC nga padayon nira nga pag-aadman an mga nagin isyu ha SOCE han magbabalaod nga nagpapailarom na ha imbestigasyon.
