TACLOBAN CITY–Ginpasamwak han Department of Education (DepEd) Tacloban an pagbuaht han Academic Recovery and Accessible Learning (ARAL) Program.
Ginmalatumat ni Department of Education (DepEd) Tacloban Information Officer, Nilo Eder, nga tumong han programa an pagatiman ha mga learning gaps ngan pagpakusog ha mga foundational skills ha pagbasa, matematika, ngan agham para ha mga estudyante ha kindergarten kutob Grade 10.
Gintag-usa usa naman ini ha K stage 1 (grade 1-3), K stage 2 (grade 4-6), ngan Junior High (grade 7-10)
Dire ini sugad han iba nga intervention programs mahitungod nga ginmando na ini pamaagi han RA 12028.
Pero, nagtikang la anay hira ha pagbasa mahitungod nga ha Phase 2 ig-uupod na ha Matematika ngan syensya.
Mababaruan nga 6,841 ka estudyante an gintudlok han ahensya nga dapat mag-enroll ha ira Academic Recovery and Accessible Learning (ARAL) Program.
Subay kan Eder, ginpili an mga ini basar ha ira mga reading assestments kalakip an mga mayada habubo nga proficiency ha pagbasa o dire nakakabasa.
Samtang, mababaruan nga nagbuhat an ahensya hin damo nga mga intervention programs basar han ira mga national recovery programs mahuman an COVID-19 Pandemic.
