-- Advertisements --
TACLOBAN CITY – Padayon an pangandaman han Department of Education (DEPED) para han ginlalauman nga pagtitikang han school year 2020-2021 yana nga maabot nga Agusto 24,2020.
Sumala kan Dr. Nilo Eder, tagapagyakan han DEPED Tacloban City Division, ha pagkayana in waray pa desisyon hi Presidente Rodrigo Duterte kun magkakaada hin pagbabag-o ha schedule han pag-intra han klase sanglit nagpapadayon la gihapon an pangandaman han DEPED para hini.
Partikular nga ginpapag-andaman han DEPED ha pagkayana an paghimo han mga learning materials ngan kun patiunan-o an mga ini mapapadangat ha mga kabataan.
Ingkaso naman nga magdesisyon an presidente nga tugutan an face to face learning in andam naman an mga eskwelahan han DEPED para hini.
