TACLOBAN CITY – Guinpapaniguruhan han Department of Education (DepEd) Tacloban Division nga maipatuman an “standard class size” o guinsusunod nga ihap han mga studynate ha usa nga klase kumo usa han mga bag-o nga mandato han DepEd para ha nagtitikaharani nga pag abre han klase.
Sumala kan Dr. Nilo Eder, tagapagkayan han Tacloban DepEd nga panuyo han ahensya nga maakomodar an mga studyante para mahatagan hin maupay nga kalidad hin panutduan.
Guintaltag pa ni Dr. Eder nga may target nga maximum nga ihap han mga studyante ha kada grade level sugad nala han Kindergaten- 30 nga mga studyante, GRADE1 ngan 2 – 35 nga mga studyante, GRADE 3- 35, GRADE 4- 45, GRADE5 hasta GRADE 10- 45 nga mga studyante, GRADE 11 ngan GRADE 12 nga may maximum nga 40 nga ihap han mga studyante.
Samtang, guin aghat naman hini an mga kag-anak nga sundon an mga guintalaan nga petsa ha pagpaenroll han mga anak para malikayan an bisan ano nga remalaso ha pag-abre han klase.
