TACLOBAN CITY- Ginpahibaro han DepEd Eastern Samar, nga nagin malinampuson an paghuhuman han ira mga graduation rites ngan moving up ceremony para ha S.Y. 2021-2022.
Sumala kan Abner Aclao, Division Infromation han DepEd Eastern Samar, nga tikang han Hunyo 27 kutob han nakalabay nga Hulyo 2 yana nga tuig, nahuman na an ira mga seremonya han pangradwar ha tanan nga mga eskwelahan nga ada ha ilarom han DepEd Eastern Samar.
Ha lain nga bahin, nagtikang na gihapon hira han ira early registration para ha face to face classes para ha school year 2022-2023.
Dugang pa han mao nga opisyal, nahibaruan nira nga damo an pumabor nga mga kag-anak, ha face to face classes kumpara ha pagpapadayon hiton modular learning modaluties.
Nagpatapod naman an mao nga opisyal, nga andam daw an ira mga eskwelahan pananglitan nga full-force na an pagdumara han face to face classes para ha S.Y. 2022-2023.
