TACLOBAN CITY – Padayon an ginhihimo nga monitoring han Department of Education Region 8, han syahan nga semana han pagtikang hiton klase para hiton S.Y 2025-2026.
Sumala kan Department of Education Region 8, Information Officer, Jasmin Francisco Calzita, ha pagkayana mayda hira datos nga 998,497, nga officially enrolled nga mga estudyante ha tanan nga mga eskwelahan ha Sinirangan Bisayas.
Dugang pa ni Calzita, an nasabi nga ihap in ginlalauman nga madudugangan pa matungod nga damo pa iton nahabol nga magpa-enroll.
Ginmalatumat ni Calzita, nga sobra 998,497 nga ihap in mas hitaas kumpara ha syahan nga semana han klase han nakalabay nga tuig.
Malipayon naman nga ginpahayag ni Calzita, nga nagin malinampuson an syahan nga adlaw han pagtikang han klase, bisan ha kaluyo nga damo la gihapon an nagpapa-enroll ha nasabi nga adlaw.
Nagsuhestyon naman an nasabi nga opisyal, ha mga kag-anak nga mas maupay igpa-enroll an ira mga anak ha pinakahirani nga eskwelahan ha ira lugar agud nga mabantayan ngan dire na maghinirayo pa agud maka-minus-minus gihapon han mga kagarastusan.
