TACLOBAN CITY – Guinwara han Department of Education (Dep-ed -Leyte) an kabaraka han mga estudyante ngan mga kag-anak may kalabutan ha pagpanturok daw hin dengue vaccination na guintataawag na ‘dengvaxia’ sa ha mga kabataan.
Sumala kan Dra. Fe Cabalona, Medical officer han Dep-ed Leyte na ha pagkayana in waray pa naipaabot ha ira buhatan an mao na klasi hin bakuna tikang ha Department of Health (DOH).
Guinklaro hini na mismo mga bakuna pa la na MMR ngan para ha tuberculosis an guinhahatag han DOH ha ira buhatan para mahatagan hin bakuna an mga studyante ha Grade 1 ngan Grade 7.
Dugang pa hini, na diri basta-basta na guintuturukan an mga studyante kun waray ighahatag na konsente tikang ha mga kag-anak han mga ini ngan sugad man guinrereview guihapon an immunization record han usa bata.
Samtang, waray naman naghatag hin komento hi Dra. Cabalona may kalabutan han dengvaxia na klasi hin vaccination.
Manunumduman nga guinpahayag han dengue vaccine nga Sanofi Pasteur na posible nga magkamay-ada hin mas duro na dengue infection an mga naturukan hini na waray pa naman naigo han dengue na sakit.
