TACLOBAN CITY — Nagdumara hin Halal Culinary Workshop an Department of Tourism (DOT) Eastern Visayas nga may tema nga “Flavor of Harmony: Bridging Cultures Through Muslim-Friendly Cuisine.”
Ini nga aktibidad in kabahin han paningkamot han ahensya nga ma-edukar an publiko mahitungod han Halal food ngan han Muslim culinary traditions.
Gin-atendiran an mao nga workshop han mga cooking enthusiast ngan chefs tikang ha magkaduro-dilain nga hotel and restaurant han rehiyon kumo pagpakita hin suporta han inklusibo nga kultura ngan turismo.
Gin-aaghat naman hiton Department of Tourism (DOT) an mga hotel ngabn restaurant ha Eastern Visayas nga igduso an Halal culinary practices agud nga magkamayda kabatunan an nagtitikahitaas nga demand para ha mga destinasyon nga angay ha mga turista nga Muslim.
Gintagan duon naman ni Undersecretary Halal Tourism and Muslim Concerns Myra Paz Valderrosa-Abubakar, an importansya hiton pagbaton ha mga pagtuo hiton Muslim nga agsob nagigin balaong ha mga personal na panlataw.
An Halal in mga pagkaon ngan produkto nga nagsusunod ha balaod Islamiko ngan ginkokonsidera nga malimpyo subay ha pagtuo hiton mga Muslim.
Ha pagkayana, ginduduso gihapon hiton Department of Tourism an pagsunod ha Halal standards alinsunod ha Memorandum Circular No. 2020–010, nga nagmamando hiton angay himuon para ha mga Muslim-friendly accommodations ngan food establishments.
