TACLOBAN CITY—Gin-aaghat han Department of Agriculture (DA) Regional Office 8 an mga parag-uma han Eastern Visayas nga mag-avail han iba-iba nga programa ha ilarum han National Livestock Program.
Panuyo han nasabi nga mga programa nga mapa-ursa an livestock and poultry industry ngan matagan hin pakabuhi an mga parag-uma ha rehiyon.
Usa ha mga programa an Livestock Enterprises and Development (LEED) Program kun diin ada ha ilarom hine an Chicken Multiplier Farm ngan an Cattle Multiplier Farm.
An commodity package hini nga Chicken Multiplier Farm in 500 kabug-os nga hens ngan 100 naman kabug-os nga roosters. Kaupod gihapon ha package an animal housing, incubator with hatcher, starting feeds ngan biologics.
Para naman hiton Cattle Multiplier Farm, may-ada commodity package nga 10 nga baka, cattle shed, nga veterinary drugs.
Labot pa hine, mayda liwat programa nga DA Livestock Distribution kun diin under hini an Male Breeder Loan Program ngan Animal Distribution Scheme.
Ha Male Breeder Loan Program, pwede mag-loan out hin high-quality materials para hiton genetic improvement.
Kun an parag-uma in may-ada existing nga hayop sugad hiton kanding, karnero, karabaw, o baka in pwede mag-loan out hin de-kalidad nga mga lalaki nga breeders para ma-upgrade an ira mga kahayupan.
Samtang, ha Animal Distribution Scheme naman, pwede mag-avail hin mga hayop sugad han iba iba nga klase hin chickens, mga itik o pato, cattle o carabao, ngan mga kambing.
May-ada guhapon gintatawag nga Feed and Feed Development Program kun diin pwede makapag-avail an mga parag-uma hin forage o an mga tanom nga pwede makaon han mga hayop sugad hiton kambing o carabao.
An mga interesado nga parag-uma, asosasyon, o organisasyon in gin-a-aaghat naman nga bumisita ha Department of Agriculture Regional Office 8 o ha ira tagsa-tagsa nga Municipal Agricultural Office para han kadugangan nga impormasyon ngan giya kun patiunan-o makaka-avail han nasabi nga mga programa.
KWALIPIKASYON NGAN REKISITOS:
- 1. Letter of Intent nga naka-address hiton Regional Executive Director han Department of Agriculture Regional Field Office 8;
- 2. An indibidwal o mga miyembro hiton asosasyon in kinahanglan rehistrado ha RSBSA;
- 3. Endorsement tikang ha Municipal/City Agriculturist or Veterinarian;
- 4. Kinahanglan mayda basic animals husbandry facility ngan housing dida hiton proposed area kun diin an hayop papadakuon;
- 5. Kinahanglan may-ada basic nga hibaro kasumpay han animal husbandry; ngan
- 6. May-ada lugar para hin pasture development and establishment (para han large or small ruminants).
ABILABLE NGA HAYOP NGA IHAHATAG:
Kun mag-qualify an usa nga indibidwal nga magin benepisyaryo han nasabi nga programa, an abilable nga mga hayop han DA-8 nga pwede makarawat in an masunod:
• Free range chickens nga 1 to 2 months old; mixed-breed hiton native chickens ngan 25 heads an puyde maihatag kada indibidwal ngan asosasyon; vaccinated chickens; no feeds included, animals only.
• Ducks: 1 to 2 months old; itik Pinas breed, 25 heads per individual.
• Cattle/carabao: 1 to 2 year-old nga Bulgarian buffalo kun carabaom ngan American Brahman naman it breed kun cattle. (1 head per individual, with planting materials for pasture development)
• Goats: 5 to 6 months old; mixed-breed of dairy goats, or Boer (meat type goat); sheep, 5 heads per individual.
Dayon naman nga makakarawat an hayop hiton benepisyaro mahuman ma-validate an ngatanan nga requirements.
Gintagan-duon naman han DA-8 nga kun dire ngani magin malinampuson an pag-atiman han hayop in dire na makaka-karawat utro an indibidwal hin hayop ha ilarom han nasabi nga programa. (via Bombo Sheila Encio)
