-- Advertisements --
TACLOBAN CITY – Ginpahayag han Business Permit and Licensing Division han City Govt han Tacloban nga yana nga adlaw na an igintalaan nga deadline han renewal han mga business permits.
Sumala kan Gemafiel Gaspay, head han Business Permit and Licensing Division, nga abre an ira opisina yana nga adlaw han dominggo kutob niyan nga 5:00 hiton kulop para kumarawat han mga business owners nga magrerenew han ira permit.
An mga diri makakahabol yana nga deadline in may kakaatubangon na nga mga penalidad nga surcharges.
Mababaruan una na nga igin extend kutob sunod nga bulan han Pebrero an deadline han renewal of permits pero ini in ginveto ni Mayor Alfred Romualdez.
