INTERNATIONAL – Gindeklara kumo bag-o nga Presidente han Ecuador hi Daniel Noboa ha kakahuman la nga eleksyon han nasabi nga nasud.
Ginpirdi ni Noboa an iya kontra nga leftist nga hi Luisa Gonzalez mahuman nga makakuha ini hin sobra usa ka milyon nga botos.
Pero, sumala kan Gonzales nga diri niya karawat an resulta han eleksyon ngan ginde-demand niya nga ihapon utro an mga botos.
Gintawag gihapon niya an resulta han eleksyon kumo “the worst and most grotesque electoral fraud” ha kasaysayan han Ecuador.
Samtang, nagsaad an 37-anyos nga hi Noboa nga igpapadayon niya an pagkontra ha drug gangs ngan pagpapakusog pa han ira ekonomiya ha sakob hiton upat katuig termino.
Ginpasalamatan gihapon ni Nobao an iya supporters tikang ha beach town han Olon ngan ginpahayag nga waray pagduda ha iya pagkadaog kumo Presidente.
Kun manunumduman, na-elect hi Noboa kumo ika-48 nga Presidente han Ecuador dida han 2023 snap election ha edad nga 35 para maserbe an nabibilin nga mandato han iya predecessor.
