-- Advertisements --
METRO MANILA – Ginaandaman na han airport authorities an pag-ulpot han mas dako nga volume han mga pasaheros ha Easter Sunday.
Sumala ha New NAIA Infra Corp. 712,932 nga mga pasaheros an ginlalauman nira nga mangungulpot ha NAIA Terminal 3 ha Dominggo.
Samtang ha NAIA Terminal 2 in 346,342 ngan ha NAIA Terminal 1 in haros 294,000 nga mga pasaheros an ginlalauman ha Easter Sunday.
Ginsagdunan naman han NNIC an mga pasaheros nga masukot i-check an flight advisories ngan mag-alutaga hin kadugangan nga oras pakadto ha airport.
Ginaaghat gihapon an mga pasaheros ha international flights nga kumpletuhon an ira eTravel registration ugsa pumakadto ha NAIA agud malikayan an delay ha ira pagproseso.
