-- Advertisements --
NATIONAL – Kumpyansa an Department of Agriculture nga ira makakab-ot an single-digit rice inflation ha nasud.
Panuyo naman han ahensya nga mapahinay an pagkiwa han presyo han bugas.
Gin buhat han DA an pahayag mahuman an nagin report han Philippine Statistics Authority kun diin nagawas nga umubos ha 4.7% an inflation dida han nakalabay nga bulan tikang ha anay 20.9% dida han July.
Subay ha pag-aram, ine na an pinakahabubo nga rice inflation nga nahipatik tikang pa dida han nakalabay nga tuig.
Ginpahayag naman ni DA Spokesperson Assistant Secretary Arnel de Mesa nga positibo an nasabi nga development kun diin maabot na daw gihapon ha 25% an kabug-usan nga amot han bugas ha inflation ha Pilipinas.
