TACLOBAN CITY- Ginsigurado han Czech Republic an ira suporta ha Pilipinas kasumpay ha nagpapadayon nga kasamok ha butnga hiton China ngan Pilipinas kasumpay ha West Philippine Sea.
Sumala kan His Excellency, Karel Hejc, Ambassador of the Czech Republic to the Philippines, usa nga komplikado an relasyon han China ngan Pilipinas matungod iba an panlantaw an duha nga nasud.
Sugadman gintagan duon han embahador nga naninindugan an Czech Republic, kaupod an iba pa nga mga kaalyado nga nasud ha pagsuporta ha Pilipinas.
Dugang pa ni Hejc, kinahanglan nga respetuhon han China an nagin desisyon han United Nations Convention on the Law of Sea (UNCLOS) ngan likayan an panginlabot ha exclusive economic zone (EEZ) han Pilipinas.
Manunumduman han nakalabay nga 2016, nagdaog an Pilipinas ha makasaysayan nga kaso kontra ha China mahuman nga igbasura han Permanent Court of Arbitration ha The Hague an pag-aangkon han Beijing ha South China Sea.
Ha kaluyo hine, bumaribad naman nga kilal-on han China an nasabi nga desisyon ngan padayon nga nagsisinamok an ire presensya ha ginpapag-agawan nga kadagatan.
