TACLOBAN CITY–Ginmalatumat han Commission on Population and Development 8 nga pokus nira yana nga tuig 2026 an pagbaton ha child and teenage pregnancy.
Nanawagan hi Elnora Pulma, Regional Director han CPD 8, hin pakikigbinuligay ha komunidad agud nga mabaton ine nga problema..
Ginmalatumat ni Pulma, nga kinahanglan pa hin bulig tikang ha mga peer educators ha pagpasamwak hin komprehensibo nga impormasyon kasumpay ha kadelikado ngan mga negatibo nga kinagawsan durot hine.
Dugang pa hine, dako nga ayat ini ha mga Local Government Units mahitungod nga sakop an mga kabataan han lokal nga gobyernuhan.
Sumala kan Pulma, kalakip ha mga rason likod ha nasabi nga isyu kay an presyur tikang ha mga sangkay, kakulangan ha parental guidance ngan social media.
Mababaruan naman nga nagtitika bata an pangedaron han mga nabuburod ha 10-14 ngan humitaas an ihap han mga kaso hine tikang han 2021 kun diin hitaas an nahipatik nga mga kaso ha siyudad han Tacloban, Ormoc ngan Catbalogan.
Nanawagan naman hi Pulma ha publiko nga buligan an mga batanon nga responbilidad kumo nagseserbisyo para ha mga katawhan.
