TACLOBAN CITY — Ginduduso ni House of Representatives member Leyte 3rd District Rep. Vicente ‘Ching’ Veloso an modernisasyon han Eastern Visayas Regional Medical Center (EVRMC).
Sumala kan Congressman Ching Veloso, nga makikipag meeting hiya ha mga opisyal han Department of Health Region 8 para paghingadayan an modernisasyon han mga pasilidad han regional hospital ha sinirangang bisayas.
Dugang pa niya nga nagpapasalamat naman hiya kan Presidente Rodrigo Duterte ngan sugad man ha House of Representatives nga ginpapangunahan ni Speaker Pantaleon Alvarez nga na ginbaton an iya gin aaro nga modernisasyon nga makakabulig ha mga katawhan han Leyte.
Mababaruan nga pira nga mga pasyente in napakadto pa ha pribado nga ospital ha siyudad para la magpa CT scan ngan mag pa dialysis tungod nga kulang pa hin mga moderno nga pasilidad an EVRMC.
