Ginklaro ni Philippine Coast Guard spokesperson for the West Philippine Sea (WPS) Commodore Jay Tarriela nga waray direktiba ha iya para mag-tone down ngan minimize o ibanan an iya media exposure.
Ine an kabatunan han PCG official, han mapakianhan kun nagdurot hin ayat ha iya mandato an pressure tikang ha Chinese Embassy, mahuman hine nga aghaton an gobyerno han Pilipinas nga pabay-an an Department of Foreign Affairs nga manguna ha pagmamagulo han mga batunay.
Sumala kan Comm. Tarriela, bug-os an suporta han Palasyo han Malakanyang ha transparency initiative ha mga istoryahon ha West Philippine Sea.
Samtang, ginpahayag gihapon hini nga humitaas an Foreign Information Manipulation and Interference (FIMI) operations han China ha nasud ha mga nakalabay nga tuig.
Pag-ekslikar ni Tarriela, ine mahitungod nga kinahanglan han parte han China nga maningkamot nga maatuhan an transparency effort han nasud.
Sugadman, natuod hi Tarriela nga ha ilarom han presente nga administrasyon, kun diin maaram an ngatanan ha mga nahitatabo, makuri para ha Chinese government nga ibahon an opinyon han publiko pag-abot ha West Philippine Sea ha presente.
