TACLOBAN CITY — Padayon la gihapon an preparasyon han Commission on Elections (COMELEC) para ha barangay ngan Sangguniang Kabataan (SK) election ha luyo nga waray pa kasiguraduhan kun madadayon ini o diri.
Sumala han Regional Election Director han COMELEC nga hi Atty Jose Nick Mendroz, nga tikang dida han Agusto in nagtikang na an ira mga pangandaman, nakagbugos na hira hin board of tellers, ngan sugad man mga kamaestrahan nga matindog nga mga election officers ha precinct level.
An kaparte han pamahayag ni Regional Election Director han COMELEC nga hi Atty Jose Nick Mendroz.
Dugang pa niya, nga padayon an preparasyon han election body ha butnga han mga report han mga magbaralaod labi na ha Lower House nga mas abuyon nga ig postpone an eleksyon sunod nga tuig.
Ginklaro pa hini nga samtang waray pa napapasa nga balaod nga nag popostpone han eleksyon yana nga tuig, in magpapadayon an preparasyon han COMELEC.
Sugad man, kun waray pa balaod hasta yana nga bulan, an COMELEC in igtatalaan ha Setyembre 23-30 kumo adlaw nga ginreserba ha pagsalawad hin certificates of candidacies para ha mga interesado nga dumalagan.
