TACLOBAN CITY— Hamubo la gihapon an nahipaitk nga turnout han Voter’s Registration yana nga bulan han Enero, sumala ha Commission on Election (COMELEC) 8.
Ha pagkayana ada ha 42,862 an kabug-osan nga nag-apply ha COMELEC, kun diin 6,310 la an nahipatik nga bag-o nga nagpa-rehistro.
Kalakip gihapon hini an 15,389 nga Sangguniang, Kabataan applicants, ngan 21-K nga transfers.
Sumala kan Atty. Jose Mendros, Regional Director han COMELEC VIII, nga hamubo ine kumpara han July registration kun diin purluminos 13-15-K an nahihipatik nira kada adlaw.
Ginpasabot naman ni Mendros, nga kutob la ini ha ika-18 han Mayo, an adlaw han paghuhuman han ira pangarawat hiton magpaparehistro.
Dugang pa hini, an mga capital towns upod an siyudad han Tacloban in nakailarom ha ‘register anywhere’, sanglit masayon la an pagparhistro yana.
