NATIONAL – Nagtudlok an Commission on Elections (COMELEC) hin mga aludayday para ha pagdudumara han Sanggunian Kabataan Special Elections para pun-an an ginatos-gatos nga bakante nga posisyon han mga community council ha bug-os nga nasud.
Sumala pa kan COMELEC Chairman George Garcia, an pagkakamay-ada hin kompleto nga membership ha Sanggunian Kabataan in mandato ha ilarom han balaod.
Dugang pa hine, an SK in nagrere-presenta ha mga kabataan ha konseho ngan an non-representation hine in nangangaruyag-sidngon nga dire nababatian an boses o panawagan han mga kabataan.
Makikit-an ha datos han COMELEC nga mayda 139 ngan 553 nga bakante nga posisyon para ha mga SK Chairmen ngan members mahitungod nga waray kandidato nga dumalagan para ha nasabi nga mga pwesto dida han May 2023 elections.
Ha ilarom han bag-o nga aludayday, pwede nga magdumara hin special elections an COMELEC kun an ihap han mga opisyal han SK nga na-elect in mas hamubo ha kinahanglan nga kurom, kun waray may nagpasa han kinahanglan nga Certificate of Candidacy, o waray kwalipikado nga kandidato.
