TACLOBAN CITY – Padayon an pangandaman han Commission on Elections (COMELEC) Regional Office 8 para han pagdudumaraon nga local absentee voting ha rehiyon kasumpay han May 9 elections.
Sumala kan Jenette Fariola Ruedas, tagapagyakan han COMELEC 8, kutob la han nakalabay nga Marso 7 an ira pagkarawat hin aplikasyon para han local absentee voting ngan pagdudumaraon ini yana nga Abril 27 ha sakob hiton tulo kaadlaw.
Ha pagkayana in nakapagtikang na pagdeploy an COMELEC han mga balota ngan iba pa nga mga election paraphernalia nga gagamiton para han mao nga local absentee voting.
Nahibaruan nga an local absentee voting in para han mga empleyado han gobyerno, mga miyembro han PNP ngan AFP ngan sugadman an mga miyembro han media nga dire makakabotos ha mismo adlaw han eleksyon tungod han ira duty ngan responsibilidad ha piniliay.
