MONDRAGON, NOTHERN SAMAR – Duha nga classroom han Bugko Elementary School ha Mondragon, Northern Samar an naugbaw han sunog dida han nakalabay nga adlaw.
Nakarawat an fire call dida han alas-6:39 han aga han nakalabay nga adlaw, samtang napuypoy naman dida han alas-7:18 han aga han kaparehas nga adlaw.
Sumala kan Mondragon Municipal Fire Station Fire & Arson Investigator, SFO2 Katherine Duazo, an nasabi nga classroom in gingagamit han duha nga sections han Grade-1 han nasabi nga iskuylahan.
Kaupod ha mga nasunog an duha nga flatscreen TV, laptops, printer, riso copier, modules, mga libro, ngan kaupod gihapon an mga lingkuran.
Subay han nakakita, mayda daw sumirit nga kalayo tikang ha alkuba han classroom nga rason han pagkasunog han classroom.
Waray naman may nahipatik nga samaran o namatay ha nasabi nga insidente.
Samtang, maabot naman ha P1,164,000 an nahipatik nga danyos ha nasabi nga sunog.
