TACLOBAN CITY — Magdudumara hin mandatory drug testing an lokal nga gobyerno han siyudad han Tacloban ha mga empleyado agud nga masigurado nga ini in diri nangagamit hin illegal nga droga.
Sumala kan Agripino Patalinhog, Human Resource Management Officer, nga ini in may paghisumpay han natabo nga drug buy-bust operation nga kun diin nadakop an 3 nga may empleyado han City Government han Tacloban.
Dugang pa niya, nga diri ig aanunsyo an pagdudumaraon nga drug testing ngan waray exempted mapa hataas o hamubo man an ranggo.
Padayon naman nga nagpapahimatngun an gobyerno ha publiko labi na ha mga empleyado han gobyerno nga maging leksyon an natabo ha 3 nga mga empleyado han gobyerno nga nagkakadakop ngan naatubang na yana ha kaangayan nga kaso ma hitungod han paghidabi ha illegal nga droga.
