TACLOBAN CITY – Nakatalaan nga panginanuon han city government han Tacloban an mga nagbabaligya hin overpriced nga face shield ha syudad.
Una hini, subay ha ginpalusad nga Suggested Retail Price (SRP) han DOH kinahanglan nga na usa nga face shield in makantidad la hin 26 ngada 50 pesos pero pwede naman nga magkaada hin increase nga 10% para han distribution cost ha Visayas ngan Mindanao.
Sumala kan Gemafiel Gaspay, head han Business Permit and City Licensing Office han Tacloban, bisan mag-umento hin 10% an mga nagbabaligya hin face shield ha syudad in dire la gihapon sadang nga umabot ha sobra 100 pesos an baligya han usa nga face shield.
Nahibaruan nga may pipira nga mga nagbabaligya hin face shield ha syudad nga naabot ha sobra 100 pesos an kantidad.
Nakatalaan naman nga tikangan han price monitoring council han syudad an pag-inspeksyon ha mga nagbabaligya hin overpriced face shield ha syudad.
